சனி, டிசம்பர் 23

அனு யாத்திரை தொடர்ச்சி பத்ராசலம்


பத்ராசலம் ராமர்


அனு யாத்திரை தொடர்ச்சி பத்ராசலம்
சென்ற பகுதியில் அகோபிலத்தில் மற்ற நரசிம்மர் சன்னிதிகளை பாரத்தீரகளா என்ற கேளவியுடன் நிறுத்தியிருந்தேன்.
என்னத்த சொலறது, ரெண்டு நாட்கள்னு பேரு, ஆனா அகோபிலத்தில இருந்ததோ ஒண்ணறை நாள் கூட இல்லை. எப்படி எல்லா சன்னிதிகளையும் பாரக்கறது.
மற்றவைகளை அடுத்த முறை பார்த்துக் கொள்ள வேண்டியதுதான், எங்களுக்கு கொடுத்துவைத்தது அவ்வளவு தான் என்ற திருப்தியுடன் பத்ராசலம், அதான், எங்களின் அடுத்த திவ்ய தேசம், அதை நோக்கி பயணம்செய்ய பஸ்ஸுல ஏறி அமரந்தோம்.
அகோபிலம்-பத்ராசலம் தொலைவு
பத்ராசலம், ஆமாங்க, பக்த ராமதாஸ், ஊர், அதுக்குத் தான் பயணமானோம்.
எல்லாவற்றையும் முடித்துக்கொண்டு, அகோபிலத்தில் இருந்து மாலை 4 மணிக்கு மேல பயணத்தை ஆரம்பித்தோம். கிட்டத்தட்ட 510 கிலோமீட்டர் தொலைவு பத்ராசலம், அகோபிலத்தில் இருந்து. இரவு 8 மணிவாக்கில ஒரு பெட்ரோல் பங்கில் நிறுத்தப்பட்டது எல்லா பஸ்களும். அங்கு தான் எல்லா பெண் பயணிகளும் சிரம பரிகாரம் செய்து கொண்டனர். இந்த மாதிரி 1400 பேர் செல்லும் போது ஆண்கள் எங்கு வேண்டுமானாலும் சிரம பரிகாரம் செய்து கொள்ள முடியும், ஆனால் பெண்கள்? ஸ்வாமிகள் அதனைப்பற்றி கொஞ்சம் சிந்திக்க வேண்டும்!!!
பஸ்ஸுலயே கொண்டுவந்த ஆகாரத்தை முடித்துக்கொண்டு மீண்டும் பயணம் துவங்கியது.
பொலபொலவென்று சூரியன் வந்துவிட்டான் பத்ராசலம் அடையும் போது.
கோயில் அமைப்பு
ரொம்ப பெரிய ஊர் மாதிரி தெரியவில்லை. முன்னாலேயே போன ஸ்வாமிகளின் ஸிஷ்யர்கள் எங்களுக்கு என ஒதுக்கப்பட்ட இடத்தை காண்பிக்க, எங்கள் பெட்டிகளை எடுத்துக்கொண்டு அறைகளுக்குள் சென்றோம்.
பத்ராசலம் கோதாவரியின் கரையில் அமைந்த அழகான ஊர். முன்னரே எங்களுக்குச் சொல்லி இருந்தபடி, மாற்றிக்கொள்ளக்கூடீய உடைகளை மட்டும் எடுத்துக்கொண்டு, கோதாவரி நதியை நோக்கி ஆட்டோவில் பயணமானோம். 
நிறைய சத்திரங்கள், தங்கும் விடுதிகள் இருக்கின்றன. கோயில் நிர்வாகமே
முன்னரே பதிவு செய்து கொள்ளக்கூடிய வகையில் (internet) சத்திரத்தை நடத்துகிறது. தேவைப்பட்டால் பயன்படுத்திக்கொள்ளலாம்.
நதிக்கரையில் நங்கள் 
நதிக்கரையில் ராமர் அம்பு விடும் காட்சி 

மிகவும் அகலமான நதி கோதாவரி ஆறு. படித்துறைகள் மிக நேர்த்தியாக உள்ளன. கிட்டத்தட்ட 50-60அடி உயரத்திற்கு கரை. அடிக்கடி கோதாவரியில் வெள்ளம் வந்து ஊருக்குள் வந்துவிடாமல் இருக்க அவ்வளவு உயரம் போலும். இக்கரையில் இருந்து அக்கரை செல்ல படகு சவாரி உள்ளது. ராமன், சீதை, லக்ஷ்மணன் ஆகியோர் இப்படித்தான் பயணப்பட்டு இருப்பார்கள் போலும்.
கோதாவரி நதிக்கரையில் ஸ்வாமிகள் உரை 



நாங்களும் நதியில் நீராடினோம். புது அனுபவம். சுகமாகத்தான் இருந்தது.

பத்ராசலம் என்ன விசேஷம்?

பார்ப்போம் அடுத்த பகுதியில்!!!!









வெள்ளி, டிசம்பர் 15

இந்நின்ற தூணிலும் உளன், நீ சொன்ன சொல்லிலும் உளன் அகோபிலம் பகுதி 11








பகுதி 11 ஜ்வாலா நரசிம்மர் சன்னிதி
திருமங்கையாழ்வார் பாடியபடி, ஜ்வாலா நரசிம்மர் சன்னிதி  தரிசிப்பது அவ்வளவு சுலபம் இல்லை தான்.இரண்டு வழியில் போகலாம். ஒன்று பவநாசினி ஆறு வழியா. மற்றொன்று மாலோல நரசிம்மர் சன்னிதி தரிசித்து விட்டு செல்லுதல்.
 ரெண்டுமே கடினமான பாதைதான். முதல் நாள் மழை பெய்திருந்தபடியால் பவநாசினி ஆற்றில் ஒருவேளை நீர்வரத்து அதிகமாக இருக்கலாம் என நினைத்து நாங்கள் மாலோல நரசிம்மர் வழியாகச் செல்ல தீர்மானித்தோம்.
முதலில் க்ரோட நரசிம்மர் சன்னிதி வரும்.அதிலிருந்து இடது பக்கத்தில் படிகளில் ஏறவேண்டும். கடினமான பாதைதான். வயதானவர்கள் ஏறுவது சிரமம் தான்.
நாங்கள் எட்டு பேர். எப்போதும் ஒரே குழுவா செல்வது வழக்கம்.அத இங்கேயும் கடைபிடிக்கலாம்ன்னு  நினைத்தோம். என் மனைவிக்கு ரத்தஅழுத்தம் அதிகம் என்பதாலஉன்னால அவ்வளவு உயரம் ஏற முடியுமாஎன்று முதல்லயே கேட்டுண்டேன்.”அதெல்லாம் என்னால முடியும் கவலைப் படாதீங்க,நிச்சயம் ஜ்வாலா நரசிம்மர தரிசனம் பண்ணுவேன்என்று உறுதியாச் சொன்னார்கள்.
க்ரோட நரசிம்மர்
க்ரோட நரசிம்மர் சன்னிதிய பார்த்துட்டு வெளியே வந்தோம்.'
 “இப்பகூட யோஜனை பண்ணிக்கோ உன்னால முடியுமான்னுஎன் மனைவிகிட்ட ஊர்ஜிதம் செய்து கொண்டேன்
க்ரோட நரசிம்மர் சன்னிதி
சரி மெதுவா மேலே ஏறலாம் என்று ஒவ்வொருவராக பக்கத்தில் உள்ள படிகளில் மேலே ஏற ஆரம்பித்தோம். பக்கத்தில் உள்ளவர்களிடம் நாங்கள் இருவரும்  மெதுவா மேல ஏறி வருகிறோம், நீங்கள் மேலே ஏறிக்கொண்டு இருங்கள்என்று சொல்லி அவர்களை மெதுவா போகச் சொன்னேன்.
மாலோல நரசிம்மர் சன்னிதி 

மாலோல நரசிம்மர் சன்னிதி  பக்கத்தில் தான் உள்ளது  
மாலோல் நரசிம்மர் 
மெதுவா மேலே ஏறி வாஎன்று மனைவியிடம் சொல்லி என்னுடன் கூட வந்தவர்களிடம் நீங்கள்  போய்க்கொண்டே இருங்கள், நான் என் மனைவியுடன் வருகிறேன்என்று சொன்னேன்.
இதில் எங்களுடன் வந்தவர்கள் வேகமா மேலே ஏறிவிட்டார்கள். நானும் என்  மனைவியும் மெதுவாக ஒவ்வொருபடியாக ஏறிக்கொண்டிருந்தோம்.   என் மனைவி எப்பலெல்லாம் படிகளில் ஏற முடியவில்லையோ அப்பலெல்லாம்
எங்களுடன் கூடவே வந்த இவர் 
 என் மனைவியின் கையை பத்திரமாக பிடித்து மேலே ஏற்றிவிடுவார். “நீங்கள் முன்னால் செல்லுங்கள்என்று எவ்வளவு தடவை சொன்னாலும், சிரித்துக்கொண்டேஆகட்டூம் போகிறேன்என்று சொல்லி மழுப்பிவிடுவார். நாங்கள் ஜ்வாலா நரசிம்மரைப் பார்த்துவிட்டு வரும் அன்பர்களிடம் இன்னும் ரொம்பதூரம் போகவேண்டுமா”, என்று  கேட்டால் அவர்களுக்கு கண்ஜாடை காட்டி இன்னும் அஞ்சு நிமிஷத்தில் போயிடலாம் இல்லையாஎன்று இவரே அவர்களுக்கு பதிலாக சொல்லி என் மனைவியை சமாதானம் செய்வார்  என்றால் பார்த்துக்கொள்ளுங்கள். இதில் வேடிக்கை என்னவென்றால் எங்களுடன் வந்தவர்களை கடைசியில் ஜ்வாலா நரசிம்மர் சன்னிதியில் தான் பார்த்தோம். ஆனால் இவர் எங்களை ஒரு வினாடி கூட விடவில்லை. அவர்எங்கள் பஸ்ஸில் வந்தார் என்பதைத் தவிர வேறொன்றும் தெரியாது என்பதால்  கடைசியில் அவரின்   பெயரைக் கேட்டோம், “இந்த   தூணில் இருப்பானா என்று இரணியன் கேட்டதுக்கு

                   சாணிலுமுளன் ஓர்தன்மை அணுவினைச் சத கூறிட்ட

                      கோணினுமுலன்  மா மேருக்குன்றினுமுளன்  இந்நின்ற

                   தூணிலும் உளன், நீ சொன்ன சொல்லிலும் உளன்

ஸ்ரீ நாராயணன்
என்று பிரஹலாதன்  தான்   சொன்னபடி வருவான் என்று நம்பிய அந்த சாட்ஷாத் நாராயணன் தான் அவர் பெயராம்!!!!!

என் மனைவியுடன் நாராயணன் 





ஒரு வழியாக மாலோல  நரசிம்மர்  சன்னிதியை தரிசித்துக்கொண்டு  மீண்டும் மேலே ஏறினோம் .நிறையபடிகள். வழுக்கல்கள். அதுவும் கடைசி 200 படிகள் இருக்கே, கஷ்டம் தான். வழியில் மிக உயரமான தூண் போன்ற பாறை!!!
ஸ்தம்பம்
ஸ்தம்பம் என்று பெயராம்!!
அதுதான் நாராயணன் சிங்கவடிவில் தூணைப் பிளந்த இடம் ஸ்தம்பம் என்கிறார்கள். அதனை எளிதில்  அடைய முடியாதாம்.
பின்னால் அருவி 
அருவி









ஜ்வாலா அடைவதற்குள் பவநாசினி அருவியாக வீழ்கிறது. பார்க்க கண்கொள்ளாக் காட்சியாக இருக்கிறது
அதைக் கடந்து ஜ்வாலாவை அடைவதில் உள்ள ஆனந்தம் விவரிக்கமுடியாது.
ஜ்வாலா நரசிம்மர்
ஒரு வழியாக தரிசனம் முடிந்து கீழே இறங்கினோம். இறங்கும்போது ஆற்றின் போக்கின் வழியா இறங்கினோம். அது தனி அனுபவம் தான். யாரும் மிஸ் பண்ணிவிடாதீர்கள்,
சாதாரணமாக ஜ்வாலா நரசிம்மரை தரிசித்து விட்டு வர 4 மணி நேரம் ஆகும்.அதற்கு ஏற்றாற்போல் உங்கள் பயணதிட்டத்தை வகுத்துக் கொள்ளவும்.
கீழ் அகோபிலம் வந்து ஆகாரத்தை முடித்துக் கொண்டு வந்தோம். ஸ்வாமிகள் மாலை 3 மணி அளவில் எல்லா பஸ்களும் கிளம்பி பத்ராஜலம்  அடைய வேண்டும்என்று ஆணையிட்டு விட்டார்.
அப்ப மீதியுள்ள நரசிம்மர்  சன்னிதிகளை  தரிசனம் செய்தோமா?

பார்ப்போம் அடுத்த பகுதியில்.